<小智隨筆>如何分手而不失霸氣

Hi! 大家好,我是小智。

十月,是失戀旺季。無他,皆因開學已經個多月,不少情侶都經不起轉換環境的考驗。女同學上了大學,開了眼界,自然會對那位識於微時的 James 產生厭倦。男同學亦會和新認識的女同學玩玩暖昧。

相信這個 blog 的讀者,大多都是愛情小跳豆,今天小智就為大家寫一篇攻略,不是教你0石過黃龍,而時教你如何被飛而不失霸氣。

我雖然不是什麼人生教練,但從幼稚園開始便食女無數,傷盡萬千少女心。

女生於感情轉淡,提出分手時,往往會說一句,「James,不如我地冷靜下。」,若然你的答案是「好啦咁」、「我會等你架」、「唔好走呀 Mary!」,我告訴你,你和跪地捱十八巴沒有分別,什麼霸氣,什麼尊嚴,已經和你沒有關係,bye~

科學家指出,愛情其實是腦內䆁出一種類似可卡因的物質,故會使人產生興奮、幻覺、失禁。我們在街中常看見一個矮肥柒毒窮的男子拖著一個 top model 般的女子,不要懷疑,這就是真愛!可會是永遠!然而,當你正服食可卡因,而對方竟然叫你冷靜啲,明顯地,她已經回復理智。古語有云,「變左心既女就係潑出去既水」,意味就算整到地下濕曬都唔再關你事。所以面對住「James,不如我地冷靜下。」這一類句式時,保持霸氣是你唯一可做的事。

現列一些參考答案,給大家輕鬆應對。

1. 潚洒走一回型:
「James,不如我地冷靜下。」
「Mary,我諗過架啦,其實生命仲有好多野值得我地追逐,我地年紀仲細,係呢個 timing,其實大家都唔係好識點去愛大家,不如我地分手啦,他日係街遇到,我地可能會點一點頭,然後發現你有關節痛。」

2. 鋒芒畢露型
「James,不如我地冷靜下。」
「冷靜?!你覺得我地好激情咩?我地而家仲唔夠冷靜?你應該話我地應該激情下!咁先係解決問題既方法!算啦你都係唔明架啦,同你講多都浪費時間,由佢啦,bye !」

3. 理智進取型
「James,不如我地冷靜下。」
「Mary,我諗我地就係太冷靜,欠缺左一份激情。我睇不如咁啦,我知道附近有間唯多利呀,呀強上個禮拜都試左,佢話裝修精緻,價錢公道,好適合我地去激情一番,重點愛火。你ok 的話,試住2個鐘先,若然你既愛火一發不可收拾,我地可以再加多一個鐘,你點睇?」

10 則留言 :

  1. 好好笑呀屌你
    Btw 這些機會...

    回覆刪除
  2. 3. 理智進取型
    like

    回覆刪除
  3. 關節蝕緊!肯定會痛!

    回覆刪除
  4. 食七海健絡把啦

    回覆刪除
  5. 大家唔好開晒名,我無收廣告費架~

    回覆刪除
  6. 小智繼續發表偉論啦!日日開都係教人分手/_\

    回覆刪除
  7. 教下人去邊度同囡囡洩洩既風水最好?

    回覆刪除